Оьмролала гьидсо къосси ахъийа оьждикьас хабар. Бежкьалас миц

 

Бетана Иса ме̄йо хабар:

– Сид пуланаб сукӀос зукъона гей къона оьжо.12ИтӀинасола оьжди нисона гей абохъа: «Або, дибола ирслис гьинил мехецас бутӀа нилӀа», – лӀо. Або гьоглол ирс битӀна гей.13Лади водла̄ъас итӀиносо оьжо, гьинил ирслиъ йиᴴхъōйо къацӀцӀо окко-меседна лъицӀо-къайна йоькчина, аьгъиъна эᴴкьейолӀо на̄ди цӀихо гаьгьийо улкалиъ. Оᴴкъа̄цо гьолцо, иᴴхъо-ахъхъа кӀаьйлӀона, гьинис гаьгьийо къацӀцӀо окко-месед йугъонна гей.

14Гьолцохъас къацӀцӀо окко-месед йолъова замаллиъ, вагьалълъо улкалиъ йоᴴкъона гей йукъо ракъи. Гьули оьжона йилӀа йазихлъилаъ кези ахъна гей.15Ахирна сид сукӀодой гьаьлтӀи нисонна эᴴкьелъ, гьолцо гьули булӀлагъа эᴴгьна гей.16Чара бугъолъ, булӀлал ниццас жона йуьᴴхъал разияб зукъона гей, амма гьулина гьолцол нилӀаъас зукъона.17Аᴴкълолакьана оᴴкъона гьолцо пикро богьна гей: «Диела абола билӀоъ йоькькьад гей бовахийа̄ гьаьлтӀухъалла. Оьнна кьодона мекьейодолас баьбана гей. До гьолӀоъ нуковахъа угъос.18Аьгъиъна абодой эᴴкьал, бета гьогцохъа нисал: „Або, Аллагьлидойна дудойна аьᴴйда̄ до мунагьла̄ъ кези ахъийо.19До дибо оьжолъилаъ тӀокӀаб бикӀзи овал мустагьикъаб гаьъа, ахъда дудой гьаьлтӀилаъ оха“».

20Аьгъиъна эᴴкьена гей гьули гьинила абодой. Ата̄кьа̄зу эгана гей абол гогьцас оьжо. Абос гьолцокьа йилӀа йакӀо йугъона гей. Гьогцол дандена чӀанагъона, або оьждил алъона йоцӀна баъдана гей.21Оьжди абохъа нисона гей: «Аллагьлидойна дудойна аьᴴйда̄ до мунагьла̄ъ кези ахъийо, дибо оьжолӀо нисал до мустагьикъаб гаьъа».22АболӀо нисода, гьинила лагъла̄хъа нисона гей: «Биссун кӀетӀо лъицӀона йакъона гьолцохъа лъичӀела, гьолцола зокьилъ кӀоьййана мехела, хаьбала̄лъ гьалалъцована гийахела.23Бакъоллина ахо бегъакӀийо бишена муха, оьжо оᴴкъова̄лас кӀетӀо бес-хулӀōлъи йовал,24судлӀо нисода вагьди дие оьжо угъоваъас ахъна гей, оъийаъас зогъна гей». Гьоллōл котакаб ихтилат-кеп бовал муьхобалъна гей.

25Гьолцо сукӀос укъосо оьжо вагьалълъо мехлаъ зукъона гей мицалъ. БилӀогъа гōслаъ, гьолцол тухъна гей лъисо-кешлис гьокӀ.26Гьицада̄на илӀена сидцойсола нукарлихъа нисонна гей, сийод вагьдо ихтилат-кеплӀо.27«Дибо ис сагъ-саламатлъилаъ оᴴкъова̄лас або ахо бегъакӀийо бишена мухоллина ихтилат-кеп богьцас гей», – лӀо нисона жаваб нилӀийо нукарли.28Вагьли тухълъо, укъа оьждис симо бигьна гей, билӀоъ эᴴкьал къабул ахъечӀе зукъона гей. Бета або гисакна гьардизи ахъийолӀо билӀоъ эᴴдо тослӀо нисона.29Оьжди жаваб нилӀийолӀо: «Вагьдисинаб лӀӣйаъ до дул лагъцой огьда̄йо, ми нисова жойлакьас тилӀкеэш. Вагьлиъ эᴴдо ми дил итӀино чикӀена мухоллеэш диела гьалмагъла̄гъой ихтилат-кеп бовал.30Амма дибо зукъойо бечелъина хъагьба̄гъой къацӀо эс-хулӀона йолъонна оᴴкъова вагьацо дибола оьждил ми ахо бегъакӀийо бише мухона гей».

31Або гьолцохъа нисойолӀо: «Оьжо! Ми нитоназу дӣгъой къацӀо гей, къацӀцӀо дие бечелъина дибо гей.32Иле рази бахъна ихтилат-кеп бовал нуцӀос, судлӀо нисода вагьди дибо ис угъоваъас ахъна гей, оъийаъас зогъна гей».

Мудрые изречения (бежтинский язык)

Ми энекзи ахъ, дие оьжо, абола малъилахъа,

ийос нисойона йугъолāкъа.

Дибола къаьмил къиматаб матІайиᴴцо йахъца гьули,

билъалъил кІетІо тетенана йахъца гьули.

Слушай, сын мой, наставление своего отца и не оставляй закона своей матери, 

потому что они — красивый венок для твоей головы и прекрасное ожерелье для твоей шеи

Гьардараб гаьъад аᴴкъиллъи гьинил йиᴴхъойо сукІо,

гьулāзу гьинил аᴴкъло-лъай михъойо сукІона!

 Аᴴкъиллъи йиᴴхъōлъи кІетІо гей йаᴴцойо окколас аьᴴга михъовагъа,

йаᴴцова меседлигъа кІетІо гей гьолълъоъкьā йиᴴхъоцас жона.

 Жавгьар-якъутлигъана багьаяб гей гьули,

дул йакІил йаццас къацІцІо жо гьолълъол данде йоᴴкъойхъаъас.

 Гьолълъола кІетІакьала каъ гей оьмролаш йихалолъи,

оᴴкьакьала каъ гей бечелъина къадро-къиматна.

 ЙакІил раьгьат бахъцас кІетІā гьинода гей гьолълъос,

къацІцІола гьолло гьинодāна рекъеллила гьид бейажеш.

 Аᴴкълолакьа муьхо-маьхецалāл оьмролаш хоьхо гей гьоло,

гьолълъол михъā тил тухъиллāна талигьабла гей.

Счастлив человек, который нашёл мудрость, и человек, который обретает проницательность, потому что приобретение мудрости лучше приобретения серебра и прибыли от неё больше, чем от золота.  Она ценнее кораллов, и ничто из того, что тебе дорого, не сравнится с ней.  Долгота дней в её правой руке, а в левой руке у неё богатство и слава.  Её пути — пути приятные, и все её дороги — мир.  Она — дерево жизни для тех, кто берётся за неё, и тех, кто крепко держится за неё, назовут счастливыми.

Йа кІаъаб сукІо, дулзу аᴴкъло мокъал,

ми гьуᴴцалдой эᴴкье, гьоло муьхо-маьхецалахъана говацІо.

Гьолълъос йа гьаьким гаьъа,

йа гьолълъокьа кьодо голло хъаравул гаьъа,

йа хан гаьъа.

Амма гьолълъо азодо гьинил йуьᴴхъал оьлло жо йōс,

муькъо-бох йокІолцола замаллиъ йуьᴴхъал жона йокІолца.

Йа кІаъаб сукІо, нитокцалди ми уьчāхена эчеш?

Нитод ми милІалъцо лъуьълІош?

Даьгьаббāжана уьчāхаш,

даьгьаббāжана гьаьйда йиᴴйацолас,

кōдана сидкьа гьоᴴсо гуванна йоькькьашāжана утІна эцас ми.

Вагьалълъо мехлаъ къачагъцой йоᴴкъас дудой мискинлъи,

лъаькъейо сукІоцой йоᴴкъос дудой йазихлъина.

Пойди к муравью, ленивец, посмотри на его пути и будь мудрым. Нет у него ни начальника, ни управляющего, ни правителя, но он летом заготавливает себе пищу, во время сбора урожая делает себе запасы. Долго ли ты, ленивец, будешь лежать? Когда встанешь ото сна? Ещё немного поспишь, ещё немного подремлешь, ещё немного, сложив руки, полежишь —  и придёт к тебе нищета, как разбойник, и нужда, как вооружённый человек.