Faqhiyiidi dix. Məsəl. МыхаӀбишды чӀал

İsara xhələ ruxhur:

"Sa ədəmiyaxda q`vaır dix yiinay. Ç`irt`i duxarıra diddə ruxhur:

  – Ay did. Ğu yiq`inala xhala ğudu var-devlitdıkla yəs sipxhusdu pay yəs hamı viy.

Didə ki cixda yiidi varakla midi duxarıs pay vınts`ar.

Sa-q`uındi yığala xhala midi qadayərə cis sitxhud zadbır masa q`ıvır xırıdadı sa ülküdə ruıq`uır. 

Qada midi ülküdə yirq`ıdı yığala ıilaınə-raığaınə, kəf haanə ğurğar. Cixda yiid sinə xarc haar.

Sa vaxtıra midi ülküdə qaış livuxhur. Midi qadayəd ki sinə zad azar qhuığuır. Qaışənə arkıdə midi ülkidıqırdı sa ədəmiyədi yanada yirq`ır kar yaığaır. Ədəmiyərə midi qada cidi yürüşə dunğuzmar uıxuıs sırkar. Qada havsa qaışaı inay ki, dunğuzmaşə ıilənakla cis ki kıvıdiynə ıiləs inay. Amma minas haınnirə səççün kınts`aşnay.

Saddaxhun aıq`ıildis yıixıir, qadayərə ci-cidə ruxhur:

  – Yixhdi didıxda yıqadıqhun nukarar dii. Simmıra ki tuxdukuma xhıv ıilər, hələ artuxanə ki aqhalkar. Yi ma midə qaışərə yiq`ir. Yic qhıxhır diddə huxhus yii:"Did! Yic Yinçidi g`abağa günah havır, ğu ki paşmal hıır. "Ğudu dix yii" huxhus yəs leyix diş! Yəs icaza yiy ğvas kar haay ilsanaşixhvan yic ki kar haas."

Qada diddi yanada qhurğar. Xırıdıqı dix aıqhuığuınə ğaqudə didis duxardı yazux vuıruıq`uır.

Hikır duxarda acirqhar, qhuş-qhuşa linsər.

Duxarıra ruxhur:

  – Did! Yic Yinçidi g`abağa günah havır, ğu ki paşmal hıır. "Ğudu dix yii" huxhus yəs leyix diş.

Didə cidi nukaraşdə ruxhur:

  – Dirinə dirix ən yıxıd ğadbır haka mina la`. T`iliya t`aıbaııil lava` Ğili la`. Ara uıvuıxuıdi dana vaka hupka, ıilə-raığ, şadvaldı va`. Yixhdi dix yiq`ir inay qhişir yii, suqur inay, faqhiyir yii.

Sinmıra şadvaldı vaas kidik`ir.

Midi vaxtıra q`uxhdu dix g`uruxa yıxhır inay. Qhurğur xalıs bəgədə ləqhyıq`ıdə gəsilmıd, ç`albır huxhunud un aığuır. Sa nukaradıqı xulkar ki, midə şiv xabar viidə.

Nukarara ruxhur:

  – Ğudu şuı qhirq`ır yii. Didə ki dix sağ-salamatnə qhirq`ır yii xhur ara uıvuıxuıdi dana hupkur vii. Q`uxhdu duxarıs qhallavç`uır, paşmal ruıq`uır. Minas xala qhuığuıs yıqaş.

Midi vaxtıra did xalıqı aığaıç`uır dix g`amiş haar.

Q`uxhdu duxarıra ma diddə ruxhur:

  – Şuımuıd sən idə yi ğvas nukarkal işləmiş ruıq`uır. Ğuc şiv ki xhudə haımmaışə yic hıır yii. Sada ki yi ğudu ç`ililə aığlaıç`uır diş. Ğuc ma sa mıtıl yəs vır diş ki, hambazaşixhvan ıilaıs-raığaıs. Amma midi ğudu duxarıra ğuğud mal-dəvlət axmaq` rişbişixhvan xarc hıır qhirq`ıdə ara uıvuıxuıdi dana vurukar.

Didə duxarıs cavab hınts`ar:

  – Ay dix, ğu haımmaışə yaxhvan yişir yii. Yaxda yiid sinə zad ğuğud yii. Hamı ma şadvaldı havır vıqar. Havnas gürə ki, ğudu şuı yiq`ir yiinay - qhişir yii, suqur yiinay - faqhiyir."